Persónuvernd

Við viljum vita sem minnst um þig. Við tökum bara það sem þarf til að halda utan um aðganginn þinn, staðsetningin þín fer aldrei frá símanum og við seljum aldrei upplýsingar um neinn.

Síðast uppfært 22. október 2026.

Hver erum við?

Þegar þú notar appið

• Til að sjá happy hour, verð og tilboð skráirðu þig inn. Það gerirðu með netfangi og lykilorði, eða með innskráningarhlekk.
• Við spyrjum bara um staðsetningu þegar þú biður um það, til dæmis þegar þú ýtir á „Hvar er ég?“ eða opnar „Nálægt mér“ og hefur leyft það. Síminn notar hana til að reikna hvað er langt í næstu bari. Hún er ekki send til okkar og við geymum hana ekki. Þú getur slökkt á þessu í stillingunum hvenær sem er.
• Ef þú sendir okkur ábendingu um tilboð geymist hún hjá þér í tækinu þangað til þú sendir hana sjálf/ur í tölvupósti. Appið geymir líka afrit af síðum og upplýsingum um barina svo það virki án nets. Þú getur hreinsað þetta með því að eyða vistuðum gögnum fyrir Baró í símanum eða tölvunni.
• Engar auglýsingar og enginn að fylgjast með þér. Við notum engar kökur sem rekja hvað þú gerir og engin greiningartól frá öðrum fyrirtækjum.

Aðrir sem koma við sögu

• Kortið kemur frá OpenStreetMap. Eins og alltaf á netinu sér þjónninn þeirra IP-töluna þína (eins konar heimilisfang tækisins á netinu) og hvaða svæði á kortinu þú ert að skoða. Þú getur lesið persónuverndarstefnu OpenStreetMap.
• Ef þú ýtir á leiðarlýsingu opnast Google Maps (eða kortaappið í símanum). Þá gilda skilmálar þeirra.
• Vefurinn baroapp.is er hýstur hjá Cloudflare. Þau skrá tæknilegar upplýsingar, eins og IP-tölu, í stuttan tíma til að vefurinn haldist uppi og sé öruggur.

Þegar þú stofnar aðgang

Við biðjum um nafnið þitt og netfang. Símanúmer máttu gefa upp ef þú vilt.

Þetta notum við til að halda utan um aðganginn og áskriftina, senda þér kvittanir og láta þig vita ef eitthvað mikilvægt kemur upp varðandi aðganginn. Aldrei í auglýsingar.

Lykilorðið þitt er geymt þannig að enginn getur lesið það, ekki einu sinni við. Núna, á meðan þetta er bara prufa, er lykilorðið hvorki sent né geymt og aðgangurinn er bara vistaður hjá þér í tækinu.

Við geymum upplýsingarnar á meðan aðgangurinn er virkur og eyðum þeim þegar þú biður um það, nema bókhaldslög segi annað.

Þegar þú skráir barinn þinn

Þá þurfum við nafn barsins, kennitölu fyrirtækisins, nafn tengiliðar, netfang og símanúmer. Það er það sem þarf til að halda utan um áskriftina og geta haft samband.

• Við notum þetta til að ganga úr skugga um að þú megir skrá barinn, senda þér upplýsingar um áskriftina og birta tilboðin sem þú setur inn.
• Allt sem þú setur inn um barinn sjálfan, eins og happy hour, verð, opnunartíma og viðburði, sjá allir í appinu. Upplýsingarnar um tengiliðinn birtum við ekki.
• Núna, á meðan þetta er bara prufa, er skráningin bara vistuð hjá þér í tækinu og ekki send til okkar.
• Við geymum upplýsingarnar á meðan áskriftin er virk, og eftir það eins lengi og bókhaldslög krefjast.

Greiðslur

Áskriftir, bæði hjá notendum og börum, eru greiddar í gegnum greiðslufyrirtæki. Þú setur kortið inn á öruggri síðu hjá þeim, ekki hjá okkur. Við sjáum aldrei kortanúmerið þitt og geymum það ekki. Við fáum bara að vita hvort greiðslan gekk, hvernig kort þetta er og síðustu fjóra stafina, svo þú þekkir kortið aftur.

Við erum ekki búin að tengja greiðslurnar enn. Þetta er því bara prufa og ekkert kort er rukkað. Nafn greiðslufyrirtækisins kemur hingað þegar það er komið á hreint: [GREIÐSLUFYRIRTÆKI – fylla inn]

Hvaðan við fáum upplýsingarnar um barina

• Staðsetningar og grunnupplýsingar um barina koma frá OpenStreetMap (ODbL).
• Happy hour tímar og verð koma frá The Reykjavík Grapevine, vefsíðum baranna og okkar eigin athugunum. Við segjum alltaf hvaðan hver upplýsing kemur og hvenær hún var athuguð.
• Myndirnar eru af Wikimedia Commons og nafn höfundar fylgir hverri mynd.

Þetta eru upplýsingar um fyrirtæki, ekki um fólk. Ertu með bar og vilt að við breytum eða tökum eitthvað út? Hafðu bara samband og við lögum það.

Þinn réttur

Þú mátt alltaf fá að vita hvað við vitum um þig, láta laga það eða eyða því, og andmæla því hvernig við notum það. Sendu okkur bara línu á baroapp@gmail.com. Ef þér finnst við ekki fara rétt með upplýsingarnar þínar geturðu líka leitað til Persónuverndar.

Ef eitthvað breytist

Ef við breytum því hvernig við förum með upplýsingar uppfærum við þessa síðu og dagsetninguna efst.

Aftur í BaróHjálp